ДЗЁННІК ФАЛЬКЛОРНАЙ ПРАКТЫКІ

студэнткі I курса спецыяльнасці «Беларуская філалогія»

Зубок Алесі Міхайлаўны

Месцы запісаў: в. Гарохаўка Бабруйскага раёна Магілёўскай вобласці;

г. Бабруйск Магілёўскай вобласці.

Колькасць адзінак: 77

Час: 14 дзён (з 31 ліпеня па 13 жніўня 2014 г.)

Вось і скончылася мая фальклорная практыка. З аднаго боку, будзе больш часу. З другога  - мне будзе не хапаць гэтых інфармантаў, песень, прымывак і прыказак, і ўсяго таго, што ўзбагачала мяне штодзень. Але я ведаю, што фальклор - ён навокал, ва ўсім, таму я з ім не развітваюся.

Якія цікавыя праблемы і пытанні я заўважыла:

1. Людзі не вераць у тое, што іх веды каму-небудзь патрэбны.
2. Старым людзям цяжка ўспомніць тое, што было 60-70 год таму. З гэтага робіцца выснова, што ўсё хутка знікае.
3. Не зусім зразумела, што можна сабіраць і лічыць фальклорам. Канешне, у кніжцы ўсё распісана, але кніга – гэта кніга.
4. Казаць на пачатку і ў канцы дыктафоннага запісу інфармацыю пра інфарманта і збіральніка…мне здаецца, што гэта неяк няправільна. Канешне, твор павінен быць пашпартызаваны. Але ў інфармантаў, асабліва, калі людзі ўжо старыя, гэта выклікае трохі спалоханне і недавер.
5. У беларусаў вялікая спадчына, якая паступова губляецца і знікае. Добра, што ёсць такія практыкі і лабараторыі, але ў гэтым жыцці няма нічога вечнага.
6. І любяць жа беларусы пагаварыць!

Ліпень

Жнівень