Attachments:
Download this file (zajauka_forum_2019.doc)zajauka_forum_2019.doc[ ]32 kB

З гэтага тыдня распачынаюцца справаздачныя мерапрыемствы фальклорнай практыкі.

На 3.09.2019, у прыватнасці, запланаваная прэзентацыя матэрыялаў фальклорнай практыкі.
У гэты дзень кіраўнікі практыкі працуюць па наступным раскладзе:

Т.В. Лук’янава – 14.25 (аўд. 53)

Т.А. Марозава – 15.55 (аўд. 316)

Э.Ю. Дзюкава – 15.55. (аўд. 53)

В.В. Прыемка – 17.25 (аўд. 316)

Нагадваем, што прысутнічаць павінны ўсе.

З 4.09 па 6.09 будзе весціся праверка студэнцкіх работ і выстаўляцца папярэднія адзнакі. Тыя, хто пажадае павысіць бал, змогуць дапрацаваць свае работы да 9.09.

Студэнцкі форум па выніках ФП адбудзецца 12.09. Да 10.09 кожны з практыкантаў павінен запоўніць заяўку ўдзельніка форума (гл. у прымацаваных файлах) і скіраваць яе на ўказаны ў заяўцы электронны адрас.
12.09, пасля справаздачных мерапрыемстваў, адбудзецца і залік, таму просьба мець з сабою заліковыя кніжкі.

Зычым усім поспехаў!

На нашым сайце з'явілася невялікая памятка для студэнтаў-першакурснікаў, якія ў гэтым годзе ўпершыню выступяць у ролі збіральнікаў фальклору. Знайсці яе можна вось тут і спампаваць у фармаце .doc або .pdf для асабістага карыстання.
Апытальнікі ж па вуснай гісторыі (рознай тэматыкі) лёгка знайсці тут. І так жа лёгка выкарыстаць іх падчас працы з інфармантамі.

Зычым нашым практыкантаў поспеху ды плёну.
І нагадваем, што з любымі пытаннямі, датычнымі практыкі (вызначэння жанраў, афармлення і падобнага) можна звярнуцца да супрацоўнікаў ВНЛ БФ на электронную скрыню Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.

Пост да Вялікадня сем тыдняў.

З вечара ў восем-дзевяць пачынаюць Богу маліцца і моляцца ўсю ноч, пакуль не ўзыдзе сонца.
І потым с кросным ходам кругом цэрквы абходзяць. Моляцца ў нас увесь тыдзень, ад суботы да нядзелі.

Нельга танцаваць у гэтую нядзелю. А калі бацюшка дазнаецца, што парушылі, тады ў царкве дае параканне.
І ўжо крыж не дапусцяць цалаваць. Вось.

Валачобнікі з першых дзён ходзяць віншаваць. Іх частуюць. Ваду не свенцяць. Яечкі, булкі на Вялікдзень свенцяць.

Адмаліўшыся Богу, разгаўляюцца. На могілкі ў старавераў не ходзяць.
На стале – куліч і яйкі, а калі чалавек памёр, у зямлі ляжыць, тады – куццю.

  

dsc08623

Запісана ў 2007 годзе ў в. Ластавічы Глыбоцкага раёна Віцебскай вобласці 

ад С. Я. Нікіціна (1925 г. н.)

 

Болей пра свята можна пачытаць тут,

а пра ўвесь народны каляндар - у раздзеле "Святы" нашага сайта.

На другі дзень свята, якое пінчукі называюць «Трыйца», «Труйца», «Трійца», на вуліцах вёсак пануе ажыўленне. На лужках, грудках, на лавачках каля хат збіраюцца жанчыны ў яркіх сукенках, прыгожых вышываных фартухах, стракатых хустках, да іх далучаюцца мужчыны, моладзь, падлеткі. Каля поўдня аднекуль з краю вёскі даносіцца песня. «Ой,булы мы ў вэлыкому лісі, ізвілі куста з зэлёного клёну», – выводзяць жаночыя галасы, паведамляючы аб тым, што ідзе Куст.

«Куст – тое самое шчо танок. Куст – як ходять по дзерэвні, а танок – як побэруцца танцоваты» (в. Камень). Выкананне песень называецца «співаты куста», падобна таму як кажуць «співаты шчодрыка», «коляду».

Падыходзячы да двара, Куст (ролю выконвае дзяўчына або дзяўчынка) аддае паклон гаспадарам. «Чы дозволітэ співаты куста?»– пытаюцца астатнія. «Дорогіе госты, моей хаты не мінайтэ, заходьтэ до мэнэ, ды куста заспівайтэ», – адказвае гаспадыня. Атрымаўшы дазвол, спяваюць прывітальную песню:

Ой, дэнь добры да наш пане до хаты!

Ой, чы ж вэлыш нашому Густу статы,

Бочку мэдочку прыпывалночкам даты,

Нам, молодэнькім, на ганочку погуляты?

Спявачкі віншуюць гаспадароў са святам, жадаюць ім сямейнага шчасця, дабрабыту, багатага ўраджаю на полі, а тыя ў адказ дзякуюць за добрыя пажаданні, частуюць хлебам, мёдам, кладуць у кошык пірагі, яйкі.

 

               (карціна Канстанціна Васільева "Русалка")

Болей пра свята можна пачытаць тут,

а пра ўвесь народны каляндар - у раздзеле "Святы" нашага сайта.

Гуканне вясны адбывалася так: з дваццаць пятага сакавіка (Дабравешчанне) дзяўчаты збіраліся і ішлі на ўзвышаныя месцы ў вёсцы, каля гумнаў часцей.
Падсцілалі салому, садзіліся і спявалі да позняй ночы веснавыя песні.

З цеста пяклі птушак і, спяваючы песні, падкідвалі іх угору. Спявалі так:

Жавароначкі, прыляціце,

цёпла лецейка прынясіце,

а зімачку прыбярыце,

бо зімачка надаела,

нам хлебушак пераела!

27udf1

Запісана  ў 1982 годзе  ў в. Вярбовічы Нараўлянскага раёна Гомельскай вобласці ад Малухі Яўгеніі Міхайлаўны (1924 г.н.)

Болей пра свята можна пачытаць тут,
а пра ўвесь народны каляндар - у раздзеле "Святы" нашага сайта.

 

Вучэбна-навуковая лабараторыя беларускага фальклору

Адрас электроннай пошты folkndl@yandex.ru


Адрас: 220030, Рэспубліка Беларусь, г.Мінск, вул. К.Маркса, дом 31, п.39.
 

Тэлефон: 380-57-46

(з рэгіёнаў Беларусі: 8-017-3805746, з замежжа: +375 17 3805746)