Паважаныя наведвальнікі! Вучэбна-навуковая лабараторыя беларускага фальклору цяпер знаходзіцца ў новым вучэбным корпусе БДУ па адрасе: г. Мінск, вул. Даўгабродская, 20. 

У сувязі з пераездам аказанне платных паслуг прыпынена на невызначальны час. 

Подробнее: Каля Каляд: серыя майстар-класаў на філалагічным факультэце БДУ

На філалагічным факультэце БДУ з 21 па 23 снежня 2022 года адбылося тэматычнае традыцыйнае мерапрыемства “Каля Калядаў”. Шосты год запар свята арганізоўвае наша вучэбна-навуковая лабараторыя беларускага фальклору і кафедра тэарэтычнага і славянскага літаратуразнаўства БДУ. Мэта мерапрыемства – пазнаёміць і далучыць да беларускіх калядных традыцый усіх жадаючых.

Госці сёлетняга мерапрыемства – студэнты і магістранты філалагічнага факультэта БДУ, навучэнцы ліцэя БДУ і гімназіі №14 г. Мінска – пазнаёміліся з асноўнымі беларускімі каляднымі традыцыямі, даведаліся пра асаблівасці і гісторыю беларускай батлейкі, пра семантыку калядных масак. Пра ўсё гэта ім распавяла супрацоўніца ВНЛБФ Ірына Падчыненка. Акрамя таго, удзельнікі “Каля Калядаў” мелі магчымасць увачавідкі пабачыць самаробную батлейку, разам з выкладчыкам кафедры прыкладной лінгвістыкі Марынай Дубень праспяваць калядку, паўдзельнічаць у інтэрактыўнай гульні, зрабіць сэлфі ў каляднай масцы і, канешне, як сапраўдныя калядоўшчыкі, атрымаць пачастункі ад гаспадароў.

23 снежня 2022 года да беларускіх калядных традыцый далучыліся і замежныя студэнты, якія на майстар-класе змаглі зрабіць сваю калядную зорку.

У сеціве змясцілі 19 выпуск "Дзьмухаўца" - фальклорна-этнаграфічнага і літаратурна-мастацкага альманаха беларускіх фалькларыстаў. Тэмай гэтага нумара стаў наступны выраз: "Мы ўсе захавальнікі часу, або Час і памяць праз сведчанні рознага кшталту - вусныя і пісьмовыя". У альманасе знайшлі сваё месца артыкулы, прысвечаныя 90-годдзю з дня нараджэння паэта Алега Лойкі, сямейным архівам, фальклорна-літаратурнай творчасці студэнтаў БДУ і шмат іншых.

З новым нумарам можна пазнаёміцца тут: http://almanah-dzmuhavec.narod.ru/archive/n19/index.htm