ДЗЁННІК ФАЛЬКЛОРНАЙ ПРАКТЫКІ
студэнткі I курса спецыяльнасці «славянская філалогія»
філалагічнага факультэта Беларускага дзяржаўнага універсітэта
Каронта Ганны Мікалаеўны
Месца запісу:
Вёска Чарабасава, Лунінецкі раён, Брэсцкая вобласць;вёска Дварэц, Лунінецкі раён, Брэсцкая вобласць; вёска Лунін, Лунінецкі раён, Брэсцкая вобласць; Вёска Лобча, Лунінецкі раён, Брэсцкая вобласць; вёска Лукавец, Вілейскі раён, Мінская вобласць.
Час: 24 ліпеня – 26 ліпеня, жнівень 2009.
У гэта цяжка было паверыць, яшчэ цяжэй уявіць, але гэта адбылося. Атрымаўшы універсітэцкае заданне сабраць фальклор, то бок любыя прадметы вуснай народнай творчасці: казкі, песні, легенды, я доўга не думаю і разгортваю мапу Беларусі. Сталася так, што я даўно марыла наведаць Палессе, але раней не было важкай прычыны гэта зрабіць. Край, праўда, даўно вывучаны, але я не ставіла перад сабой мэту знайсці штосьці новае, нікім не чутае і не запісанае. Хацелася на сабе адчуць тое багацце рэгіёна ў культурна-гістарычным аспекце, пачуць непараўнальны палескі дыялект, які, дарэчы, добра захаваўся і, безумоўна, запісаць хоць што-небудзь з фальклора.
Адной ехаць было страшнавата, таму я патэлефанавала свайму сябру Вове, які ўжо неадноразова наведваў Палессе, бо быў даўно ўлюбёны ў гэты край. Вова з радасцю пагадзіўся, і мы пачалі збіраць заплечнікі… Маршрут быў даволі просты. Вечарам у пятніцу Слуцкай трасай М7 мы вырашылі даехаць да паварота на Мікашэвічы, потым павярнуць направа, у бок Пінска, прайсціся з дыктафонам па некалькіх вёсках, якія знаходзяцца на трасе М10, заехаць у Брэст і ўжо ў панядзелак з Брэста ехаць у Мінск. Пытанне з транспартам нас не хвалявала, бо дзе ёсць дарога, там ёсць і аўтаспын, а вось дзе начаваць, мы не ведалі. Палатку мы, безумоўна, узялі, ўзялі і цёплыя рэчы, але не забылі і надзею на цёплы сон ў якой-небудзь утульнай хаце, бо надвор`е абяцалі не лепшае. Дарэчы прыхапілі і зборнік Блока, які ў гады першай сусветнай служыў на Палессі.
Ліпень
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 31 |
Жнівень
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 31 |