30 ліпеня. Дзень 11.

 

Я збіраю рэчы, хаджу па дому туды-сюды, бабуля ходзіць побач, хвалюецца, я разумею яе, што ёй не хочацца заставацца адной, сумна будзе, але нічога не зробішь, я ж яшчэ прыеду, пабуду з ёй. Мы пайшлі на прыпынак, мяне павінна была забраць знаёмая дзяўчынка з татам, мы чакаем, шмат часу ўжо прайшло, вунь, бачым едзе машына, павесялеўшыя стаім, але гэта не наша, чакаем, зноў едзе яшчэ адна, але і яна не наша. Праходзіць дзесяць хвілін, едзе трэцяя машына, і тут мая бабуля кажа : “ За трэцім разам, за Боскім прыказам”(102. выслоўе). І сапраўды , гэта быў мой транспарт, мы развіталіся з бабулькай, як толькі я села ў машыну, загудзеў матор і мы паехалі. Я  ўзяла тэлефон і запісала бабуліну прымаўку.

 

 

Вось і скончылася мая практыка. Як я сябе адчуваю? Вельмі  добра, спачатку было  няведанне, як яно пойдзе, змагу я сабраць ці не, а тут справа пайшла, ды яшчэ як! Ад кожнага дня ўсё больш я лятала ад шчасця, ад гонару за людзей, за мястэчка. Якія таленавітыя  людзі знаходзяцца побач со мною, я ў захапленні! Бабулі з радасцю і ахвотаю  мне дапамагалі,  прымалі актыўны  удзел, хто чым мог, дапамагаў. Ад гэтай працы не толькі мне станавілася  прыемна, але і людзям. Гэтыя мілыя бабулечкі, ахоўніцы скарбаў сваіх мясцін. Кожнае іх слова было для мяне залатой капеечкай, якія я старанна збірала на працягу гэтых цудоўных дзён. Вялікі дзякуй  усім  за працу, якая дапамагла мне больш падрабязна пазнаць маё любімае месца адпачынку, вёсачку любімай бабулькі, Чубрык Ніны Савельяўны! 

Вучэбна-навуковая лабараторыя беларускага фальклору

Адрас электроннай пошты: folkndl@yandex.ru


Адрас: 220030, Рэспубліка Беларусь, г.Мінск,
вул. К.Маркса, дом 31, п.39.

 

Тэлефон: 365-39-45

(з рэгіёнаў Беларусі: 8-017-3653945, 
з замежжа: +375 17 3653945)

 

Прыём наведвальнікаў:

панядзелак, серада, чацвер
з 10.00 да 16.30

(перапынак 

з 13.00 да 14.00)

У сувязі з эпідэмічнай сітуацыяй прыём наведвальнікаў прыпынены.

Наш сайт использует файлы cookie для сбора статистики.

Нажав «Принять», вы даете согласие на обработку файлов cookie в соответствии с Политикой обработки файлов cookie.